My Next Short Film "Credit Card"

Starring: Rohit, Surya Prakash, Raj, Prakash & Prakash

Editing & Camera:  Prabu Krishna

Designing and Asst Direction: Dilip

Screenplay, Direction: Surya Prakash

Eligible Bachelor

அதிகாலை 7 மணியளவில் ஆழ்ந்த நித்திரையில் இருந்த பொழுது என் துயல் கலைக்கும் விதமாக என் செல்போன் Girl Just let be a Man என்று கத்தி கொண்டிருந்தது, யாருடா இந்த நள்ளிரவில் போன் பன்றாங்கனு பாத்தா அது என் பாட்டி.

என்ன இந்த நேரத்தில் என்று விசாரித்தால், நீங்க காசு கொடுக்கலைனு உன் அத்த கோவிச்சிகிட்டாடா!

என்ன காசு?

அவிங்க கடனா காசு கேட்டிருந்தாங்கலாமே அந்த காசு !

( பாத்துக்குங்க மக்களே! ) ஏன் பாட்டி அவிங்க தான் நம்ல விசேஷத்துக்கு கூப்பிடலையே அதுக்கு நம்ம கோவிச்சிக்க கூடாதா ?

யாரோ அவிங்க கிட்ட பொய் சொல்லிட்டாங்க அதனால உங்களை விசேஷத்துக்கு கூப்பிடலை !

என்ன பொய் ? 

உன்னோட நிச்சியதார்ததுக்கு அவிங்கள கூப்பிடலையாம் அதனால பழிவாங்கிறாங்கலாம்! 

புரியல 

உன்னோட நிச்சியதார்ததுக்கு அவிங்கள கூப்பிடலையாம்

யாருக்கு நிச்சயம் ?

உனக்கு தான் ! 

யார் சொன்னது ?

தெரியலை

அடபாவிங்களா கெளப்பி விட்டுடீங்களா,, டேய் சொன்னா கேளுங்கடா எனக்கு 23 வயசுதான் ஆகுது. எவனோ ஒரு பொண்ணோட தகப்பன் பண்ண வேல தான் இது !

"யார் யாரை எங்கே நேசிக்க நேர்ந்தாலும் அங்கே பூந்தோட்டம் உண்டாகும் பூச்செண்டாய் பூமி திண்டாடும்".என்ற பழமொழிய பாலோ பண்ணி வாழ்கிறவன் நான்,  ஆயிரம் லட்சியம் அஞ்சாவது நிச்சயம்னு போய்கிட்டு இருக்கேன் அதுக்குள்ள இப்படி ஒரு புரளி !!
யாரா இருக்கும் என்று தீவிர யோசனையில் இருக்கும் போது, வெளியிலிருந்து ஒரு அசரீரி ,

சார் லெட்டர்

வெளியே சென்றேன் , எனக்கு தான் லெட்டர் வந்திருக்கிறது, எங்கிருந்து என்று பார்த்தால் அது வாடிகன் சிட்டியிலிருந்து வாழ்த்து !!!! வேகமாக ஓடி ஏசியன் பெயிண்ட் விளம்பரத்தில் வரும் நபரை போன்று கதவை சாத்திகொண்டேன்.

டக்குனு ஒரு மெசேஜ் சேனல் 4 ல் இருந்து, பேட்டி வேணும் என்று !

அது கூட பரவாயில்லை இன்று காலை டார்ஜிலீங்கில் வெளியாகும் ஒரு தினசரியில் என் சாதனைகள் என்று நான்கு பக்கம் விளம்பரம் வேறு வந்ததாம் !!

மக்களே நம்பாதீங்க, நம்பாதீங்க எனக்கு நிச்சியதார்தம்லாம் கிடையாது, இது தன்னிலை விளக்கமல்ல! பொது நலன் கருதி வெளியிடுகிறேன் !!

" அவங்க அவங்க வீட்டில் குடியிருக்கும் கோடான கோடி ரசிகைளே !!, 10 ரூவாய்க்கு ஒரு பாக்கெட் உப்பு கொடுத்த என் தமிழ் மக்களே !!

ரசிகைகள் யாரும் தவறான முடிவை எடுக்க வேண்டாம் ,
தயவு செஞ்சு யாரும் அவசர படாதீங்க, அமைதியாய் இருங்கள், 

விரைவில் கூண்டு கிளி விசாரணை நடக்கும் குற்றவாளியை கண்டு பிடிக்கும்!"

Foreign Return : நான் வலைச்சரத்தில் எழுதியது

ஏன் ? எதுக்கு? எதனால? இன்னிக்கு நம்ம ஊர்ல இன்ஜினியரிங் படிச்ச, படிக்கிற, படிக்க போற எல்லாரும் கேக்குற ஒரே கேள்வி! எட்டு செமஸ்டர் 44 எக்ஸாம்ஸ் , 24 லாப்,வைவா, ஆயிரமாயிரம் அசைன்மன்ஸ், இன்னவேடிவ்ஸ், செமினார்ஸ், பிரசண்டேசன்ஸ், லட்சம் லட்சமாய் பணம்,பாங்க லோன், கடன், வட்டி, கந்து, கை மாத்து, முழுதாக நாலு வருஷம்! இவ்வளவும் செய்து கரை தேர்ந்து வந்தால் நமக்கு கிடைக்கும் ஒரு பதில் தம்பி வெறும் டிகிரிய மட்டும் வச்சிக்கிட்டு யவனும் வேல கொடுக்க மாட்டான்.

மறுபடியும் சர்டிபிகட் கோர்ஸ் புதிய கடன், புதிய வட்டி, வேலையின்மையால் வரும் ஏச்சுக்கள், பேச்சுக்கள், மனக்குழப்பம், கஷ்டம், வெளியூர் வாக்ழ்கை, குடும்ப நினைவுகள், ஒரு வேலையை வாங்கி கரை சேர்வதற்குள் கிட்ட தட்ட வாழ்கையே வெறுத்திருக்கும்.அப்படி வாங்கும் வேலையும் இனித்தும் விடாது !!

சரி விடுங்க எதுக்கு சீரியசா போய்கிட்டு,

ஒரு கம்மியான சம்பளத்தில் வேலைக்கு சேர்ந்து ரெண்டு பேர் கைய புடிச்சு நாலு பேர் கால வாரி விட்டு சில பல போர்களம் சந்தித்து ஒரு குறிப்பட்ட நிலையை அடைவதற்குள் தலை நரைத்து விடும் இல்லைனா கிளார் அடிக்கும்!, திரும்பிபார்த்தால் நம்ம டாவோட பிள்ளைகள் பள்ளிக்கூடம் சென்று கொண்டிருப்பார்கள்! பள்ளி தோழிகள் பேரன் பெயர்த்தியை  பார்த்திருப்பார்கள்! அடங்கொன்னியான் ! இருங்கடி நாங்களும் உங்க புருசனுன்களோட ஒசத்தின்னு காமிக்கிரோம்னு, அண்ணாமலை ரஜினி ஸ்டையிலில் ஒரு 40 pages நோட் வாங்கி குறித்து வைத்துக்க சொல்லி விட்டு பொண்ணு பார்க்க கிளம்பினால்!!

தம்பி அமெரிக்காவா ?
இல்லீங்க சாமி ..
இந்தியாவா... சரி ஒரு , ஒரு லட்சம் சம்பளம் வாங்குவியா
??!@@?????

ஜவுளி கடையில் தள்ளுபடி பார்த்திருப்பீர்கள், செல் போன் கடையில் பார்த்திருப்பீர்கள் இதை பார்தததுண்டா ?
 ஆடி தள்ளுபடியில் IT மாப்பிள்ளைகள் !!

அமெரிக்கா அமெரிக்கா ஆனால் அங்கோ இந்தியர்களை குறி வைக்கும் திருடர்கள்  !!

அமெரிக்கா போக வில்லையானாலும் அவன் இங்கு வந்துவிட்டான், கார்போரேட் ரூபத்தில்,வேறு வழியில்லை நாமும் சம்பதித்தாக வேண்டும்!
படியுங்கள் பங்கு வர்த்தகம்,  , பங்கு ஆலோசனை.

பேசாம நம்ம அவன்ட்ட இருந்த சுட்டா என்ன ?

பால் ஏற்றுமதி செய்ய முடியுமா?
சைனாவின் தேக்கம் இந்தியாவின் லாபமாகுமா?

பதிவுகளுக்கு சொந்தக்காரர்கள் :

ஆதி மனிதன் 

ஏற்றுமதி உலகம் 

ஜெய் ஜவான் 

Earth Day Special Short Film

புவி தினத்தை முன்ணிட்டு நாங்கள் எடுத்த குறும்படம். பார்த்துவிட்டு உங்களின் கருத்துகளை பகிருங்கள். மேலும் இது எங்களின் மூன்றாவது குறும்படமாகும்  :) .

Starring: Sandhya, Dilip Naik, Prakash 

Concept: Prabu

Editing: Surya Prakash.KP

Cinematography: Prabu, Surya Prakash.KP

Production: Cinecurry

Direction : Rony Dutta, Surya Prakash.KP

நாடோடி

எழுத வேண்டும் என்று ஒவ்வொரு முறை என்னும் போதும்,  எழுத தொடங்கிய சில நிமிடங்களில் லயிக்க மறுக்கிறது எனது மனம். என் வீடு முழுதும் கடக்க வேண்டிய காகித குப்பைகள் இன்று என் டெஸ்க்டாப் குப்பை தொட்டியில் !

அடிக்கடி ரௌத்திரம் பேசும் மனது வலைப்பூ பக்கம் வரச்சொன்னாலும் சோம்பேறி கடவுளின்  பர்மிசன் கிடைப்பதில்லை !

நான் பெரும் கோபத்துடன் அக்னி பொறிகளாய் உதிர்த்தவைகள் அந்த ஆண்டின் சிறந்த காமெடியாக பார்க்க பட்டவைகள் !

மாறாக காமெடி என்று ஏதாவது செய்து விட்டு சிரிப்பார்கள் என்று காத்திருந்தால் அங்கே மயான அமைதி நிலவுகிறது !

 ஆவேச பேச்சுக்கள், நூற்றுகணக்கான மேடைகள், பல வெற்றிகள், சான்றிதழ்கள் (நோ பரிசுகள்) ! முதல் வெற்றிக்குரிய பரிசு இன்று வரை எனக்கு வழங்கப்படவில்லை பதினோரு ஆண்டுகள் கழிந்து விட்டது ! என் நம்பிக்கை பொய்க்கவில்லை ! என்றாவது ஒரு நாள் அந்த பரிசு வட்டியுடன் எனக்கு வந்து சேரும் !!

நான் எழுதி முதல் மேடை ஏறியவன் அடுத்த நிமிடம் உலக மேடை சென்றான்! அதற்கும் என்னை எழுதி தர சொன்னால் எப்படி ? அங்கு வெற்றி பெற வேண்டும் என்றால் உனக்கு தகுதி வேண்டும், தோற்று விட்டாய் ! ஆனால் பழியோ என் மீது !

ஊரறிய சாரட்டேறியவன் இன்று காலாற நடக்கிறேன், பதுங்கிப்பாய துடிக்கிறேன் பாசமெனும் கிரிமினலும், தயக்கமெனும் பொறுக்கியும் இக்கணம் வரை என்னை சிறையிலடைதிருக்கிறார்கள் !

இப்பொழுது கூட நான் இதுவரை எழுதியதின் சாராம்சம் எனக்கு தெரியவில்லை, இன்னும் சொல்லப்போனால் நான் கவிதை எழுதவே நினைத்தேன் !! மேலே இருப்பவற்றை படித்தால் ?

ஒன்று மட்டும் உண்மை வாழ்க்கையென்னும் நாடகத்தில் நான் நடிகனில்லை!
நானொரு நாடோடி ! அடுத்த இடம் பார்த்துவிட்டேன் !!

ஆட்டோகிராப் சேரன் துணை : நான் வலைச்சரத்தில் எழுதியது

நாட்டியமாடும் அந்த கால்கள்
சட்டென்று என்னை தாக்கும் அவள் விழிகள்
ஒரு வேலை வேறு யாரயாவது பார்கிறாளோ ?
சில நேர புலனாய்வுக்கு பிறகு கன்பார்ம் செய்தேன்
என்னை தான் பார்க்கிறாள் !! (நம்ளையும் ஒரு பிகர் பாக்குதுபா)
தந்தையை அருகில் வைத்துக்கொண்டே !
ரயில் தாமதமாக சோர்ந்து போனவளாய் கண்களால் அவள் வருத்தத்தை தெரிவிக்க, நானும் அமர்ந்து கொண்டே அவளை கண்களால் தேற்றினேன்,
அவளும் நோக்க, சூர்யாவும் நோக்க அவளின் தந்தை முறைக்க ,
சட்டென்று விலகியவளாய், நான் எங்கே என்று தேட என் அருகில் அமர்ந்திருக்கிறாள் !!

ஒரு காதிலிருந்து மறு காது வரை நான் இளிக்க! மீண்டும் அவள் தந்தை முறைக்க! அப்பொழுது அவளின் மூச்சு காற்று படும் தூரத்தில் நான் இருக்கிறேன், திடீரென்று என்னை நேருக்கு நேர் பார்க்கிறாள் !!
அவள் கண்கள் என்னை ஊடுருவ ஊடுருவ சிலையாகிப்போன நான் அவள் எழுந்து சென்ற பிறகு தான் உணர்ந்தேன் என் கழுத்து ஐந்து பேர் சேர்ந்து அடித்தார் போல் வலிக்கிறதென்று !! (ஆமா ஏன் எழுந்து போனா ? காலைல குளிச்சிட்டு தானே வந்தேன் ? )

அன்று ரயில்வே ஸ்டேஷனில் தொலைத்த அவளை இன்று வரை தேடிகொண்டிருக்கிறேன் !!
பள்ளியில் புஷ்பா என்னை விரட்டிய போதும், கல்லூரியில் ஜானுவை நான் விரட்டியபோதும், இடையில் ஸ்டெபி, ரேகா, ப்ரியா, என லிஸ்ட் போனாலும் இவள் என்னை ஏதோ செய்து விட்டாள். ச்ச மறுபடியும் அவள பாக்கணும் டா சூர்யா.

ஏனென்றால் இவையெல்லாம் என் முதுமையின் தனிமைக்காக நான் சேர்த்துக்கொண்டிருக்கும் பொக்கிஷங்கள். அப்பொழுது எனக்குள் நானே சொல்லிகொள்வேன் அன்னைக்கு அவள் கிட்ட பேசி இருக்கலாம் டா ..

இப்பலாம் வெறும் லவ் பாட்டா கேக்க புடிக்குது,
புல் அடிச்சும் போதையில்லை, புல்லட் பீர் அடிச்சும் கிக்கில்லை,
கல்லு குடிச்சும் தூக்கமில்லை, கண்ண மூடுனா கனவுல நீதானே !!

இதோ எங்களின் அடுத்த குறும்படம்

Title: First Change Yourself English Short Film

Cast: Rony Dutta, Sushant Rao, Shubhram Bhattacharjee

Direction: Suryaprakash.KP

Editing: Prabukrishna

Camera: Renald B Alvin

By: Orange Persons

எங்களின் முதல் குறும்படம்

நேற்று வரை நீ :

Cast: Bharathi, Sumi, Abishek

Direction: Suryaprakash.KP

Editing: Prabukrishna

Camera: Renald B Alvin

Story: Dheva

Dubbing: Bharathi, Sandy, Surya

By: Orange Persons

A special Thanks to Dhina,Vikram, Suresh, Pk Online, Kaushik and his room mets

நான் புரிந்துகொண்ட ஹிந்து மதம்

இங்கு பேச்சுரிமை உண்டு , நீங்கள் சிவனையும், விஷ்ணுவையும் வழிபடலாம்    வழிபடாமலும் போகலாம்.  நீ பாவம் செய்தவனாகிவிடுவாய் என்கிற பூச்சாண்டிகள் மிக குறைவு.

என்னை பொறுத்தவரை இந்த மதத்தில் கடவுள் இல்லை ! சக மனிதர்களே கடவுள் தான். இல்லாத ஒன்றைவிட இருக்கும் ஒன்றை கடவுளாக ஏற்றுகொண்ட மதம் இது. அதனால்தான் தாய் தந்தையரையும், சக மனிதர்களையும் ஏன் விலங்குகளை கூட நாங்கள் நேசிக்கிறோம். இது தான் இங்கு அடிப்படை அன்பு, பாசம். 

இவர்கள் இயற்கையோடு இணைந்து வாழ்பவர்கள். பொங்கல் பண்டிகை ஒன்றே அதற்கு சாட்சி. ஆடு, மாடு, நாய், ஆறு, மலை, சூரியன், யானை, குதிரை, சிங்கம், புலி இப்படி பூமியல் மனிதர்கள் வாழ இடம் கொடுத்த அனைத்திற்கும் நாம் நன்றிகடன் பட்டிருக்கிறோம், அவற்றை வணங்குகிறோம் . அவைகள் நாம் புவியில் வாழ அனுமதித்தவைகள்.

இங்கு கட்டுபாடுகள் கிடையாது, மிரட்டல்கள் கிடையாது,மூலைச்சலவை கிடையாது மற்ற யாரையும் இந்த மதத்திற்கு மாறுங்கள் என்று கேட்பது கிடையாது. இது ஒரு அனுபவம், வெளியில் இருந்து பார்த்தால் மிகப்பெரிய மூட நம்பிக்கை கூட்டமாக தெரியும் ஆனால் வாழ்ந்து பார்த்தால் தான் தெரியும் இங்கு இருப்பவர்கள் அன்பில் பிணைக்க பட்டிருக்கிறார்கள். 

மற்ற மதங்களை இழிவுபடுத்தும் மக்கள் கிடையாது. அவர்கள் வழிபடும் கடவுள்கள் எங்களுக்கும் கடவுள். பெரும்பகுதி மக்கள் இந்து வாக இருப்பினும் நம்நாட்டில் மற்ற மதத்தினர் இங்கு மகிழ்ச்சியோடும் சகோதரத்துவத்தோடும் இருக்க முடிகிறது. 

இங்கு என் கைகள் கட்ட படவில்லை, சுகந்திரமாக இருக்கலாம். மற்ற மதத்தினரை கீதை படிக்க சொல்லி நான் கேட்கமாட்டேன். ஆனால் அவர்களின் புனித நூல்களை விரும்பி படிப்பேன் நல்லது எங்கு கூறபட்டிருந்தாலும் அவை  ஏற்றுகொள்ளபடுகின்றன. 

ஆனால் சாதியில் பிரிக்க பட்டிருக்கிறார்கள். இங்கும் இருக்கிறார்கள் மதப்பற்று ஓவராகி வெறியர்கலானவர்கள். ஆனால் மிக மிக குறைவு. அளவுக்கதிகமான மூட நம்பிக்கைகள், காரனம் ஹிந்து மதத்தை சேர்ந்த பாதிக்கும் மேற்பட்டோருக்கு  இந்த மதத்தை பற்றி புரிதல் இல்லை,  ஒருவேளை உருட்டி மிரட்டி வழிய திணிப்புகள் இல்லாததால் கூட இருக்கலாம்.

வருடம் முழுவதும் விசேஷங்கள் மக்களை இணைத்து வைப்பதற்கான ஒரு எளிய வழி.

இந்த பதிவு வெளியிடும் தருணம் வரை ஹிந்து மதத்தை பற்றிய எனது புரிதல் இதுதான். இது காலபோக்கில் மாறலாம் .

மேலும் மற்ற மதங்களை பற்றி எனக்கு எதுவம் தெரியாது எனவே அதை பற்றி எழுத எனக்கு எந்த தகுதியும் இல்லை.

ஒத்துழைப்பு தாருங்கள், திட்டத்தில் இணையுங்கள் !!

பிளாஸ்டிக் பயன்படுத்தாதீர்கள், சுற்றுச்சூழலை பாதுகாக்க உதவுங்கள், மரம் வளர்ப்போம் மழை பெறுவோம், வீட்டுக்கு ஒரு மரம் வளர்ப்போம் இப்படி மாய்ந்து மாய்ந்து அரசு பிரச்சாரம் செய்கிறது. ஆனால் ரசாயன உரம், பிளாஸ்டிக் என்று சுற்றுச்சூழலுக்கு கேடு விளைவிக்கும் அனைத்தையும் விற்பனை செய்ய அனுமதி அளித்திருக்கும் ஒரு முரண்பாட்டு மூட்டை அரசாங்கம்...!!

                                    

அரசை திருத்துவது நம் வேலை அல்ல எப்படியோ இருந்துவிட்டுப் போகட்டும் ஆனால் தனி மனிதன் நம் கடமை ? தண்ணீருக்காக போர் போட்டால் சில அடிகளில் ஊற்றெடுக்கும் நிலத்தடி நீர், பல நூறு அடிகள் போடப்பட்டும் கல்லை கரைத்து துப்பிக்கொண்டிருக்கிறது. திரளும் கருமேகங்களை குளிர்வித்து கீழே கொண்டுவரும் திறனற்ற வறண்ட பூமி !!? கான்கிரீட் பூமியில் கண்ணுக்கு தெரியாத பசுமை !

பசுமைவிடியல் 

அமைதியாக இருந்தால் போதுமா ஏதாவது செய்ய வேண்டாமா என யோசித்ததின் முடிவில் பிறந்ததுதான்  'பசுமை விடியல்'

கடந்த சில மாதகாலமாக சிறு குழந்தை போல தவழ்ந்து நிமிர்ந்து எழுந்து மெல்ல அடி எடுத்து வைத்துக் கொண்டிருக்கிறது. தமிழகத்தின் அனைத்து பகுதிகளில் இருந்தும் இணைந்த தன்னார்வலர்களின் கரங்களை பிணைத்து கொண்டிருக்கும் தைரியத்தில் பசுமைவிடியல் பெரிய அளவில் செயல் பட திடங்கொண்டு  பல வியத்தகு முடிவுகளை எடுத்திருக்கிறது. முதலில் இரண்டு திட்டம் தொடங்கினோம்.

* 'தினம் ஒரு மரம்' திட்டம்

* 'இலவச மரக்கன்று' திட்டம்  

சில முயற்சிகள் செய்யலாம் 

தன்  வீடு தன் வேலை என்ற குறுகிய வட்டத்திற்குள் நாம் நின்றுவிடாமல் அதை தாண்டி வெளியே வந்து சில கடமைகளை இயன்றவரை செய்யலாமே. யாருக்கோ செய்யவேண்டாம். நம் குழந்தைகள் பேரன் பேத்திகள் நாளை வாழப்போகும் இடம் இது, இதை சரி செய்து கொடுக்க வேண்டியது நம் கடமை. 'வாழ தகுதியில்லாத பூமியை நமக்கு விட்டுச் சென்றுவிட்டார்கள் இரக்கமற்றவர்கள்' என்று நம்மை நம் குழந்தைகள் சபிக்க வேண்டுமா ??

வீட்டுக்குள் ரோஜா செம்பருத்தி குரோட்டன்ஸ் வளர்த்துவிட்டு நாங்கள் சுற்றுச்சூழலை பாதுகாக்கிறோம் என்று திருப்தி பட்டுவிடக் கூடாது. 

*   நாம் வசிக்கும் தெருவின் ஓரத்தில்...

*   வீட்டு வாசலில், காம்பௌன்ட் உள்ளே...

* வீட்டை சுற்றி இடம் இல்லை என்றால் தெரிந்தவர்கள் வீட்டில் இடம் இருந்தால் வாங்கி கொடுத்து வைக்க சொல்லலாம். நீங்களே நட்டு, நேரம் கிடைக்கும் போது சென்று பார்த்து வரலாம்.    

* உறவினர்கள் வீட்டுக்கு செல்லும் போது  மரக்கன்றுகளை பரிசாக கொண்டு செல்லலாம்.

*  பள்ளி கல்லூரிகளுக்கு சென்று கொடுக்கலாம். முக்கியமாக உங்கள் குழந்தைகளிடம்(அவங்க பிறந்தநாளின் போது) கொடுத்து அவங்க பள்ளியில் நட சொல்லலாம். தினம் தண்ணீர் ஊற்றி எப்படி வளர்ந்திருக்கு என்று குழந்தைகளிடம் கேட்டு அவர்களின் ஆர்வத்தை தூண்டலாம்.

* விதைகள் சேகரித்து மலைவாசஸ்தலம் எங்காவது சென்றால் அங்கே விதைகளை  தூவிவிட்டு வரலாம். (இதெல்லாம் காக்கா, குருவி, பறவைகள் பண்ற வேலை அவைதான் இப்போ கண்ணுல படலையே)

 ஏதோ ஒரு விதத்தில் நமக்கு இயன்றவரை செய்து வரலாம்.

இப்படியும் சொன்னாங்க 

*  எங்க வீட்ல இடம் இல்ல... எங்க நட.
* தெருவுல போய் நடவா ? வேற வேலை இல்ல...பாக்குறவங்க என்ன நினைப்பாங்க.

இதெல்லாம் கூட பரவாயில்லை ஒரு காலேஜ் ப்ரோபசர் சொன்னார், "நீங்க நட்டு வச்சுட்டு போய்டுவீங்க, யாருங்க தண்ணீ ஊத்த? அதுக்கும் ஒரு ஆள நீங்களே ரெடி பண்ணி வச்சுட்டா நல்லது !!"

அவர் சொன்னப்போ சுர்ருன்னு கோபம் வந்துடுச்சு. ஆனாலும் அவர் சொன்னதுல என்ன தப்பு இருக்கு. அவர் பாட(பாடத்தை) கவனிப்பாரா செடிக்கு தண்ணி  ஊத்திட்டு இருப்பாரா? இருந்தாலும் நானும் விடாமல் "காலேஜ்க்குனு தோட்டக்காரங்க இருப்பாங்களே" னு கேட்டேன், "இதுவரை செய்றதுக்கு சம்பளம் கொடுப்போம், இது எக்ஸ்ட்ரா  வேலை"

இப்படி சொன்னதும் நான் வேற என்ன செய்ய "சரிங்க நான் ஆள் ரெடி பண்ணிட்டு உங்க கிட்ட பேசுறேன்"னு போன் வச்சுட்டேன்.

ஆக

கன்றை கொடுப்பது  சின்ன வேலை அதை பராமரிப்பதுதான் பெரிய வேலை என்ற ஒன்றை புரிய வச்சாங்க. அதன் பின் தான் மூன்றாவது திட்டம் உதயமானது. ஒரு கிராமத்தை தத்து எடுத்து அங்கே மரக்கன்றுகளை ஊரை சுற்றி நட்டு, தண்ணீர் ஊற்றி பராமரிக்க அங்க உள்ள சிலரை பணியில் அமர்த்தி பசுமைவிடியல் மூலமாக சம்பளம் கொடுப்பது என்று முடிவு செய்திருக்கிறோம். முதல் இரண்டு திட்டங்கள் படிப்படியாக செயல்படதொடங்கியதும் மூன்றாவது திட்டம் தொடங்க இருக்கிறோம். 

முதல் திட்டமாக கன்றுகளை இலவசமாக கொடுக்க முடிவு செய்து முகநூலில் செய்தியை பகிர்ந்தோம்...

மரக்கன்று நடும் நிகழ்ச்சிகளை நடத்துபவர்களும், தங்கள் சொந்த இடத்தில் நட்டு வளர்க்க விருப்பம் இருப்பவர்களும், பள்ளி, கல்லூரிகளில் நட விருப்பம் உள்ளவர்களும் உடனே எங்களை தொடர்பு கொள்ளுங்கள்.

திருநெல்வேலி, சங்கரன்கோவில் மற்றும் சுற்றுப்புறப் பகுதிகளை சேர்ந்தவர்கள் நேரில் வந்து பெற்று கொள்ளமுடியும். மற்றவர்கள் transport ஏற்பாடு செய்து கொள்ளவேண்டும். 

தேவைப்படுபவர்கள் தேவைப்படும் தேதிக்கு இரண்டு நாளுக்கு முன்பே தொடர்புக் கொண்டால் நல்லது.

தொடர்பு கொள்ள

Email - admin@pasumaividiyal.org

* * * * * * * * * *

முகநூலில் பார்த்து சிலர் போன் பண்ணிகேட்டது மனதிற்கு நிறைவாக இருந்தது. முக்கியமாக சென்னையில் கொடுப்பிங்களானு கேட்டாங்க. பிற மாவட்டங்களுக்கும் கொடுக்கிறதுக்காக சில ஏற்பாடுகள் செய்துகொண்டு இருக்கிறோம்...விரைவில் நல்ல செய்தியை  பகிர்கிறேன்

சந்தோசமான செய்தி ஒன்று 

இலவச மரக்கன்று அறிவித்த மூன்றாவது நாளில் Rotaract Club of Kovilpatti Chairman திரு செந்தில் குமார் என்னை தொடர்புகொண்டு பேசினார். "ஒரு வருடத்திற்கு ஒரு லட்சத்து ஐம்பதாயிரம் மரக்கன்றுகள் நட முடிவு செய்து இருக்கிறோம். அதற்கு உங்களால் உதவ முடியுமா" என்று கேட்டார். இது போன்ற ஒரு வாய்ப்புக்காகத் தானே காத்திருக்கிறேன் என்பதால் சந்தோசமாக 'ஏற்பாடு செய்கிறேன்' என்றேன்.

உடனே "முதலில் அடுத்த வாரம் பத்தாயிரம் மரக்கன்று வேண்டும்" என்றார். 

ஒரே சமயத்தில் இவ்வளவு கன்றுகள் ரெடி செய்வது முதல் முறை என்பதால் கொஞ்சம் தயங்கினாலும் ,தயார் செய்து விட்டோம். அடுத்தவாரம் கொடுக்க போகிறோம்.

மரக்கன்றுகள் சென்று சேர போகும் இடம்

Junior Red Cross Convener
தென்காசி கல்வி மாவட்டம்
இ.மா. அரசு மேல்நிலை பள்ளி
பண்பொழில்.
* * * * * * * * * * * * * *                            

2 வது திட்டம் குறித்த பதிவு  - ஒரு புதிய முயற்சி -தினம் ஒரு மரம்  

அன்பின் உறவுகளே!!

 * இலவச மரக்கன்றுகள் பெற்று இயன்றவரை உங்களை சுற்றி இருக்கிற இடங்களில் நட முயற்சிசெய்யுங்கள்...
* தினம் ஒரு மரம் திட்டத்தில் அனைவரும் அவசியம் பங்குபெற வேண்டுகிறேன்.
தொடர்புக்கு tree@pasumaividiyal.org

உங்களின் மேலான ஒத்துழைப்பையும் ஆதரவையும்  நாடுகிறேன். 
  
மரம் நடுவோம், மண்ணை காப்போம்


பிரியங்களுடன்

சூர்ய பிரகாஷ் 

தினம் ஒரு மரம்

அருமை இணைய உறவுகளே,

வணக்கம்.

சில நிமிடங்கள் உங்கள் பார்வையை இங்கே பதியுங்கள்...படித்து கடந்து செல்லும் முன் ஒரு உறுதியுடன் செல்வீர்கள் என நம்புகிறேன்.

சுற்றுச்சூழல் பாதுக்காப்புக்கென்று ஒரு புதுமையான திட்டம் 'தினம் ஒரு மரம்' யார் தொடங்கினாங்க? எப்படி? எதுக்கு? என்னவென்று கொஞ்சம் தெரிந்துகொள்ளுங்களேன்.

திருநெல்வேலி மாவட்டம், சங்கரன்கோவிலில் இயங்கி கொண்டிருக்கும் EAST TRUST ஆல் தொடங்கப்பட்ட 'பசுமைவிடியல் அமைப்பு' கடந்த சில மாதங்களாக சுற்றுச்சூழல் பாதுகாப்புக்கென்று பல செயல்களை செய்துவருகின்றது. அதன் அடுத்தகட்ட ஒரு முயற்சிதான் 'தினம் ஒரு மரம்' என்ற திட்டம். நாம் வாழும் சமூகத்திற்காக ஏதாவது செய்யவேண்டும் என்ற தேடல், ஆர்வம் இருப்பவர்கள் பங்கு பெற ஒரு நல்ல சந்தர்ப்பம் .

தினம் ஒரு மரம்!
பசுமை விடியல் குழுவின் புதிய பசுமைத் திட்டம்!

இத் திட்டத்தின் நோக்கம் என்ன?
பசுமை விடியல் சார்பில் உலகத்தின் ஏதாவது ஒரு மூலையில் தினம் ஒரு மரம் நடப்பட வேண்டும்.

இத்திட்டத்தில் யார் யார் எல்லாம் பங்கு கொள்ளலாம்?
உலகில் பசுமை நிலைத்திருக்க விரும்பும் அனைத்து நல்ல உள்ளங்களும் பங்கு கொள்ளலாம்

இத்திட்டம் எப்படி செயல்படுகிறது?
ஒரு சங்கிலித் தொடர்போல, மரம் நடும் நண்பர்கள், தினம் தினம் தேர்ந்தெடுக்கப்படுவார்கள்.
முதல் ஆர்வலரை பசுமைவிடியலே பரிந்துரை செய்து இத்திட்டத்தை தொடங்கி வைக்கிறது. முதல் நபர் மரத்தை நடும் முன்பே, அடுத்த நபரை பரிந்துரைக்க வேண்டும். அவர் நண்பராகவோ, உறவினராகவோ, பசுமை விடியல் அங்கத்தினராகவோ இருக்கலாம். அவர் அவருக்கடுத்த நபரை பரிந்துரைப்பார். இப்படியே தினம் ஒரு மரம் பசுமை விடியல் சார்பில் உலகில் எங்காவது ஒரு மூலையில் நடப்படும். வருடத்திற்கு 365 மரங்கள். சங்கிலித் தொடர்போல இந்த பணி தொடர்ந்து கொண்டே இருக்கும்.

இந்த சங்கிலித் தொடருக்குள் இணைவது எப்படி?
மிக எளிது. தினம் ஒரு மரம் திட்டத்தில் ஆர்வமுள்ளவர்கள் தங்கள் பெயரையும், ஊரையும் குறிப்பிட்டு tree@pasumaividiyal.org என்ற முகவரிக்கு மின்னஞ்சல் செய்யுங்கள். உங்கள் பெயர் தினம் ஒரு மரம் ஆர்வலர்களின் பட்டியலில் இணைக்கப்படும். அந்தப் பட்டியலில் இருந்து உங்கள் பெயரை மற்றவர்கள் பரிந்துரைப்பார்கள். நீங்கள் அவர்கள் குறிப்பிடும் தேதியில் ஒரு மரம் நட வேண்டும்.

மரம் நடப்பட்டது என்பதை எப்படி உறுதி செய்வது?
மரம் நடும் காட்சியை ஒரு புகைப்படமாக tree@pasumaividiyal.org என்ற முகவரிக்கு அனுப்பி வைக்க வேண்டும். அப் புகைப்படம் தேதிவாரியாக ஒரே ஆல்பத்தின் கீழ் ஃபேஸ்புக் மற்றும் டிவிட்டரில் இணைக்கப்படும். இந்த ஆல்பம் மற்றவர்களை நிச்சயம் ஊக்கப்படுத்தும்

* * * * *

விழிப்புணர்வு ஏற்படுத்துவதே...

உலகம் தற்போது இருக்கும் நிலையில் ஒருநாளைக்கு ஒரு மரம் நட்டால் போதுமா? என்ற கேள்வி சிலருக்கு ஏற்படக்கூடும். இத்திட்டம் ஒரு மரம் வைக்கணும் என்பதாக இருந்தாலும், உலகின் பல இடங்களில் இருந்தும் பலர் இணைந்து தினமும் தொடர்ச்சியாக செய்து வரும் போது பிறருக்கு நிச்சயம் ஒரு விழிப்புணர்வு ஏற்படும்.

இத்திட்டத்தின் நோக்கம் பலரை தட்டி எழுப்புவது தான். அவர் செய்துவிட்டார் நாமும் செய்வோம் என்ற மறைமுக ஊக்கப்படுத்துதல். மரம் நடுவது அனைவரின் இன்றியமையாத கடமை என்றில்லாமல், அதை ஏன் செய்யவேண்டும், அதனால் என்ன பலன் என்ற கேள்வியை இன்னமும் கேட்கும் பலர் இங்கே உண்டு...! அப்படிபட்டவர்களிடத்தில் ஒரு விழிப்புணர்வை ஏற்படுத்திவிட்டோம் என்பதே போதுமானது. பின் அவர்களாக தொடர்ந்து செய்ய தொடங்கிவிடுவார்கள்.

எந்த ஒன்றும் எல்லோரின் ஒத்துழைப்பு இன்றி செயல்வடிவம் பெற இயலாது என்பதை தெரிந்தே இருக்கிறோம். அதனால் உங்களின் மேலான ஆதரவையும், பங்கெடுப்பையும் ஆவலுடன் எதிர்பார்க்கிறேன். சிறிதும் தயக்கம் இன்றி முழுமனதாக ஒத்துழைப்பு கொடுப்பீர்கள் என திடமாக நம்புகிறேன்.

இனிமேல் இது 'எங்க திட்டம்' இல்லை 'நம்ம திட்டம்'.

இணைந்து செயலாற்றுவோம்.
வாழ்த்தட்டும் இயற்கை !! வணங்கட்டும் தலைமுறை !!

தினம் ஒரு மரம்!
இந்த பூமி உள்ள வரை...

ஆம் சங்கிலித் தொடராக தினம் ஒரு மரம்.

இன்று நீங்கள், நாளை நண்பர், அடுத்த நாள் மற்றொருவர்!

ஆளுக்கொரு மரம்!
மரம் நடுவோம்!
மண் காப்போம்!!

* * * * *

பிரியங்களுடன்

சூர்ய பிரகாஷ்
பசுமைவிடியல்.

முகநூலில் பசுமை விடியல்

தகவல் - பசுமைவிடியல் தளம்

எதற்காக இந்த சுதந்திர தினம் ?

 இந்த கேள்வியை நான் கேட்க காரணம் நேற்று நடந்தவைகள் !

சுதந்திர தினத்தன்று  கூட திறந்திருக்கும் சாராய கடைகள்! (கர்நாடகா),

அதற்கு எதிரிலேயே கட்டப்படும் ஜெயின் மத கோயில் .  சுதந்திரத்தை போற்றும் வகையில் அவர்கள் ஏற்றிய தேசிய கொடி! மிட்டாய் கொடுப்பார்கள்  என்று அங்கு காத்திருந்த கட்டிட தொழிலாளர்கள்,

 முதலாளிகள் தனியாகவும், தொழிலாளர்கள் தனியாகவும் நிற்க இன்னும் சிலர் தனியாக நிற்கின்றனர் ! யார் அவர்கள் ? தீண்டாமை? அப்புறம் எதுக்குயா கொடி ஏத்துறீங்க ? அதைவிட ஒரு பெரிய கொடுமை இன்னும் அந்த கொடி இறக்க படவில்லை:(

சலிக்காமல் இந்தியாவை முடிந்த அளவு தாழ்த்திவிட்டு  சுதந்திர தின வாழ்த்து சொன்ன என் பேஸ் புக் நண்பர்கள்.

காலையிலிருந்து இரவு வரை விதவிதமான திரைப்படங்களை பாருங்கள் சுதந்திரதினத்தை போற்றுங்கள் என்று கூறிய தொலைகாட்சிகள்.

பெயரளவில் மூடிவிட்டு உள்ளே வேலை செய்து கொண்டிருக்கும் ஐ டி ஊழியர்கள்.

80 ரூவா பாட்டிலை 150 ரூவாய்க்கு விற்று உண்மையான சுகந்திரத்தை அனுபவித்த நம்ம ஊர் டாஸ்மாக் பார்ட்டிகள்.

இப்படி நிறைய இருக்கிறது நேற்று நடந்த கூத்துக்கள், சொலுங்கள் எதற்காக இந்த சுதந்திர தினம் ?

ஒண்ணுமே புரியல

                               மறந்து விடலாம் என்றென்னும் போதெல்லாம்
மனதை கனமாக்கும் என் நட்புகள் !

                                    

                                  ஐந்து வருடங்களாக என்னை பிடிக்கும் ஆனால்
என்னை பிடிக்காத என் காதலி!

                                 

                                  ஏன்டா சேர்ந்தோம் என்னத்த செய்தோம் என்று
யோசிக்க வைக்கின்ற என் கல்லூரி!

                              

                          இவன் எப்படி டா டிகிரி வாங்கினான்
 என யோசித்துகொண்டிருக்கும் என் ஆசிரியர்கள் !

                               

            அம்மா என் டாவு வேற யாரையோ கல்யாணம் பன்னிக்க போறாளாம் என்று சொன்னவுடன் , விட்ரா அவ கல்யானதுகுள்ள ரம்யாவ உனக்கு கட்டிவச்சிடலாம்  என்ற என் அம்மா !

                               

                                   அய்யயோ அப்படினா இனிமே நான் ரம்யாவ சைட்
அடிக்க மாட்டேன் என சேம் சைட் கோல் அடித்த என் தம்பி !

                                

                                       என் பய்யன் பெரிய ஆளா வருவான் என்று
இன்னும் என்னை நம்பி கொண்டிருக்கும் என் தந்தை !

ஒண்ணுமே புரியல !

சூர்ய  பிரகாஷ் .K.P

சினிமா என்றால் என்ன ?

வெறும் மூன்று மணி நேரம் என்னை மகிழ்ச்சிப்படுத்த வேண்டும் என்ற நினைப்பில் செல்லும் ரசிகன் பார்வையில் சினிமா என்பது பொழுது போக்கு, அவன் முதல் வருடம் அசினையும், அடுத்த வருடம் த்ரிஷாவையும் ரசிப்பான். நம்மவர்கள் நிறைய பேர் அதைத்தான் செய்கிறார்கள். ஆனால் சினிமாவை ஒரு கலை என்று நினைப்பவர்களுக்கு அது ஒரு வரம்.ஆனால் அது சிலர் மட்டுமே. அதிலும் சில படங்களே அந்த வரம் என்ற உணர்வை தருகின்றன.

உதாரணம் வெங்காயம், உச்சிதனை முகர்ந்தால், வாகை சூட வா, ஆரண்ய காண்டம், அழகர் சாமியின் குதிரை, தோனி இன்னும் பல. இவற்றை நாம் கொண்டாட வேண்டும்.

இந்த வார விகடனில் செழியன் அவர்கள் Mohsen Makhmalbaf அவர்களுடன் தான் பேசியதை பற்றி எழுதி உள்ளார். ஒவ்வொரு சினிமா ரசிகனும் படிக்க வேண்டியது அது. அது தான் சினிமா. ஆனால் இங்கே நாம் செய்வது கலாச்சார கொலை.

இங்கே கவர்ச்சி காட்டினால் தான் படம் ஓடும் என்று பெரும்பாலான திரைத் துறையினர் நினைக்கிறார்கள்/திணிக்கிறார்கள். அவர்களை தான் நாம் பெரிய இயக்குனர்கள் என்று சொல்கிறோம். எங்கேயும் எப்போதும் என்ற படத்தில் என்ன கவர்ச்சி இருந்தது? அதை மக்கள் ரசிக்கவில்லையா?. நிறைய படங்கள் ரசிகர்கள் மீது திணிக்கப்படுகிறது. இது உனக்கான படம், நீ இதைத் தான் பார்க்க வேண்டும். அத்தோடு இன்றைய டிவிக்கள் ஒரு மோசமான படத்தை கூட விளம்பரம் மூலம் நல்லா இருக்கு என்று நம்ப வைக்கின்றன. (இன்னும் இதை நம்புபவர்கள் இருக்கிறார்கள்).

உடனே உலகப் படம் என்றால் அது வேறு மொழி படம் தான் என்று எண்ண வேண்டாம். நம்மவர்களே அதை தருகிறார்கள். உதாரணம் - வெங்கயம், ஆரண்ய காண்டம்.

எப்படியான சினிமா எடுக்கப்படவேண்டும் ?

எப்படியும் வேண்டாம் அது சினிமாவாக இருந்தால் போதும். ஆம் கதை, அதற்கு தேவையான காட்சிகள் மட்டுமே. (இன்றைய படங்களை எண்ணிப் பாருங்கள், நான் சொல்வது புரியும் )

நடிகன் என்றால் யார்?

நம்மவர்களுக்கு நடிகன் தான் படமே, முதலில் இதை உடைக்க வேண்டும். கதை தான் படத்தின் ஹீரோவே, அது தான் இங்கே சூப்பர் ஸ்டார், உலக நாயகன், தளபதி, தல. இங்கே ஜேம்ஸ் கேமரூன் சொன்னதாக சொன்ன ஒன்று தான் சொல்ல வேண்டும்,

உங்கள் அடுத்த படம் எந்த நிலையில் உள்ளது என்ற கேள்விக்கு அவர் பதில், 95 % முடிந்து விட்டது, ஷூட்டிங் மட்டுமே பாக்கி. அதாவது கதை, திரைக்கதை தயாரித்தல் தான் படமே. மற்றபடி நடிப்பவர்கள் கதாபாத்திரம் மட்டுமே.

ஒரு நல்ல சினிமாவுக்கு வேண்டியது கதைக்கு ஏற்ற நடிகன், நடிகனுக்கு ஏற்ற கதை அல்ல.

ரசிகனின் எல்லை என்ன?

எல்லை எதுவும் வைத்து இருந்தால் அவன் ரசிகனே இல்லை.நிறைய எதிர்பார்க்க வேண்டும்.

ரசிகன் எப்படி தொண்டனாய் மாறுகிறான்..?

தான் ரியலில் செய்ய முடியாததை, ரீலில் ஒருவர் செய்வதை பார்க்கும் போது. ஆனால் அது ரீலில் மட்டுமே சாத்தியம் என்று புரிந்தும். ஆனால் இந்த நிலை இன்று மாறி வருகிறது.

அரசியல் முடிச்சினை எப்போது ஒரு நடிகன் போடுகிறான்...?

தன் ரசிகன் ஒரு முட்டாள் என்று உணரும் போது. (இன்றைய சூழல் இது, எம்.ஜி.ஆர் பல ஆண்டு ஒரு கட்சியில் இருந்து பின்னர் தலைவர் ஆனவர், இன்றைய சூழலிலும் சிலர் அப்படி இருக்கிறார்கள், ஆனால் தலைவர் ஆக முடியவில்லை)

பிரபு கிருஷ்ணா 

பெண்ணே

பெண்களை பார்த்தல் சாயாத என் மனது
இன்று உண்கண்களை பார்த்தவுடன் சரிந்து விட்டது
உன்னை நான் எப்படி பார்க்கிறேன் தெரியுமா ?
கடவுளின் கற்பனையால் கூட செதுக்க முடியாத சிலை நீ !
பெண்ணே அதுதானே உண்மையான கலை !
நீ இல்லை என்றால் எனக்கு நானே செய்து கொள்வேன் கொலை !
கடவுளே இது யாருடைய பிழை !!

எனக்காக என் நண்பன் கார்த்தீ......க்  

லட்சியம்

பட்ட காயங்கள் கூட இன்னும் முழுமையாக ஆறவில்லை 

அதற்குள் இன்னொரு பாவை 

என் எல்லைக்குள் இருந்து உற்று நோக்கினேன்

நேராக வா என்றது லட்சியம் 

யு டர்ன் என்றது மனது 

போதையிலே மிகபெரிய போதை பெண் போதை !

 இது லட்சியத்திற்கு தெரியவில்லை , நான் என்ன செய்ய ?

பாவையை கோவித்துக்கொண்டால் லட்சியத்தை அடைந்துவிடுவேன் !

லட்சியத்தை கோவித்துக்கொண்டால் ?

பசுமை பயணம்

     பதிவுலக நட்புகளே இந்த புதிய வருடத்தில் புது பொலிவுடன் நாங்கள் ஒரு செயலில் இறங்கியுள்ளோம் , 

      சுற்றுச்சூழல் பாதுகாப்புக்காக எங்களது ஈஸ்ட் தொண்டு நிறுவனம் சார்பில் பசுமைவிடியல் என்ற பெயரில் ஒரு இயக்கம்  ஏற்படுத்தியுள்ளோம் . சட்டமன்ற உறுப்பினர் திரு.இசக்கி சுப்பையா அவர்களால்  இம்மாத முதல் வாரத்தில் குற்றாலம் இசக்கி ரிசார்ட்ஸில் வைத்து பதிவர்கள் முன்னிலையில் இவ்வியக்கத்தின் இணைய தளம் தொடங்கி வைக்கபட்டது.



     முதல் களப்பணியாக மரம் நடுதல், விழிப்புணர்வுக்கான முதல் மரக்கன்றை எம்.எல்.ஏ அவர்கள் நட்டு வைத்தார். இனி இதர பணிகள் தொடர்ந்து நடைபெற இருக்கின்றன...

பசுமை விடியல் - ஒரு அறிமுகம்


     பூமியில் காணப்படும் செடி, கொடி, மரங்கள் முதல் மிருகங்கள், பறவைகள், பூச்சி இனங்கள் போன்றவற்றுடன் மனிதனும் இணைந்த இணைப்பே பல்லுயிரியம் (Bio diversity) எனப்படுகிறது. இவை அனைத்தும் சரிவிகிதத்தில் இருக்கவேண்டும்.


ஆனால்...


    மனிதனை தவிர மற்றவை தங்கள் பங்கை சிறப்பாக செய்து வரும் போது 'ஆறறிவு படைத்த மனிதன்' தன் சுயநலத்திற்காக கண்டபடி அனைத்தையும் அழித்துக்கொண்டு வருகிறான். சமன்பாட்டில் குறைவு ஏற்படும் போது இயற்கை குழப்பம் அடைந்து பல மாறுபாடுகளை ஏற்படுத்துகிறது. அதுதான் ஓசோனில் ஓட்டை, புவி வெப்பமடைதல் என்று தொடரும் பல்வேறு ஆபத்துகள்...


      2020 ஆம் ஆண்டில் முழுமையாக உருகிவிடும் என்று கணிக்கப்பட்ட ஆர்ட்டிக் பனிப்படிவுகள் 2015 ஆம் ஆண்டே உருகிவிடும் என்று வேறு தற்போது விஞ்ஞானிகள் பயமுறுத்துகிறார்கள்...!!


      உலகில் கார்பன் வாயுவின் அளவு கூடிக்கொண்டே செல்கிறது...இதற்கு உடனடியாக நடவடிக்கை எடுக்கப்படவேண்டும்...ஆனால் பெரிய நாடுகள் எல்லாம் தங்களை எவ்வாறு பொருளாதாரத்தில் வளர்த்துக்கொள்வது, வளர்ந்த நாடாக பேர் எடுப்பது எப்படி என்ற கவனத்தில்தான் இருக்கின்றன...!

     மக்களை பற்றி நாடு அக்கறை கொள்வது ஒரு பக்கம் இருக்கட்டும் ஆனால் மக்களாகிய நமது அக்கறை என்ன ? நம் வீட்டில் ஒரு ஓட்டை என்றால் அப்படியே விட்டு விடுவோமா? அது போலத்தான் நாம் வாழும் பூமி. பூமி ஓசோன் படிவத்தில் ஓட்டை விழுந்திருக்கிறது அதனால் பூமியின் வெப்பம் அதிகரித்துக்கொண்டே செல்கிறது. நம் குழந்தைகளும், அவர்களுக்கு அடுத்த சந்ததியினரும் நன்றாக வாழ நல்ல தூய்மையான பூமியை விட்டுச்செல்ல வேண்டாமா ?! அதற்கு இதுவரை செய்தவை போதாது இன்னும் அதிகமாக, இன்னும் உற்சாகமாக முழு முன்னெடுப்புடன் திட்டமிட்டு செயல் படுத்தபட வேண்டும்...!

      இதை குறித்து எனக்குள் ஒரு பெரிய கனவு இருக்கிறது...எந்த ஒரு கனவும் பிறருக்கு பயன் தரக்கூடியதாக இருந்தால் அதை விட வேறு என்ன இன்பம் இருக்க முடியும்...?! என் கனவும் அது போன்ற ஒரு கனவுதான்...!

     கனவை நனவாக்க ஒரே அலைவரிசை கொண்ட உள்ளங்கள் இணைந்தது தற்செயல் ...! இதோ இன்று இணையத்தின் மூலம் எங்கள் கரங்களை கோர்த்து இருக்கிறோம்...!

இனி இந்த பசுமை விடியல் எனது மட்டுமல்ல...நமது !!

     ஒருநாள் நம் தேசம் பசுமையில் கண் விழிக்கும்...இது வெறும் ஆசை அல்ல...திடமான நம்பிக்கை !!

பதிவுலக உறவுகளே !


     உங்களின் ஆலோசனைகள், கருத்துக்கள் எங்களை இன்னும் சிறப்பாக வழிநடுத்தும் என்பதால் அவசியம் தெரிவிக்க வேண்டுமாய் கேட்கிறேன். மேலும் உங்களின் மேலான ஒத்துழைப்பும்,வாழ்த்துக்களும் என்றும் எங்களுடன் இருக்க வேண்டுமென அன்பாய் வேண்டுகின்றேன்.


     இனி தொடர்ந்து படிக்க இங்கே செல்லவும்...........அவசியம் செல்லவும். உங்களின் வருகைக்காக அங்கே காத்திருக்கிறோம்.



பிரியங்களுடன்
சூர்ய பிரகாஷ். பெ