ஜெ , சசிகலாவின் நட்பு

     1984 ல் கடலூர் மாவட்டத்தில் அரசு துறையில் செய்தி தொடர்பாளராக பணியாற்றி கொண்டு இருக்கிறார் நடராசன் ,

     அப்பொழுதைய கடலூர் மாவட்ட ஆட்சியாளராக சந்திரலேகா இருக்கிறார்,

     அவரிடம் தன்னுடைய மனைவி சசிகலா நடத்தும் வினோத் வீடியோஸ் நிறுவனத்திற்கு  அதிமுக வின் கொள்கை பரப்பு செயலாளரான ஜெயலலிதா பங்கேற்கும் கூடங்களில் வீடியோ எடுக்கும் பணியை பெற்று தருமாறு கேட்டு கொள்கிறார் நடராசன்,   

       அதன் படி  சந்திரலேகா சசிகலா & கோ வை அறிமுகம் செய்கிறார் ,

அவ்வாறு தொடங்கிய நட்பு

 

      மகாமகத்தில் ஒன்றாக நீராடியது,

      சசிகலாவின் உறவினர் பய்யன் ஒருவரை வளர்ப்பு மகனாக தத்து எடுத்தது 

     வளர்ப்பு மகன் திருமணத்தில் ஜெ மற்றும் சசிகலா ஆடம்பர உடையில் ஜோடியாக ஊர்வலம் வந்ததது

      ஊழல் வழக்கில் கைதாகி விடுதலையான சசிகலாவை நேரில் சென்று வீட்டிற்கு அழைத்து சென்றது 

      இப்படி 25 ஆண்டுகளாக இணைபிரியா இந்த நட்பு இன்று குடும்பத்தோடு வெளியேற்றபட்டது !!!

      ஜெ , சசிகலாவின் இந்த பிரிவினைக்கு நிச்சயம் ஒரு மிக பெரிய காரணம் இருந்தாக வேண்டும் இல்லையெனில் ஏன் காசு வெட்டி போடும் அளவுக்கு வந்திருக்கிறது .

          சொத்து குவிப்பு பிரச்சனையா ?

           

          அதிகார பகிர்வு பிரச்சனையா ?

           அல்லது வேறு ஏதாவதா ?

காலம் தான் பதில் சொல்லும் .....................

டிவிட்டரிடம் சரணடைந்த பேஸ் புக் நிறுவனர்

         சமீபத்திய ஹாட் டாபிக் என்றும் கூட சொல்லலாம். சிஈன் பார்கர் பேஸ் புக் நிறுவனர்களில் ஒருவரான இவர் சமீபத்தில் டிவிட்டர் குழுமத்துடன் நடந்த ஒரு சந்திப்பில் கலந்து கொண்டார் .

       அடுத்த சில நாட்களில் தனது தோற்றத்தை மாற்ற போவதாகவும் , மேலும் சில மாற்றங்களை செய்ய இருப்பதாகவும் டிவிட்டர் அறிவித்தது .

      மேலும் அவை பேஸ் புக்கையும் விஞ்சிய அளவிற்கு இருக்கும் என கூறபடுகிறது.

      இந்த சமையத்தில் தான் சிஈன் பார்கர் டிவிட்டரில் இணைந்தார் அடுத்த ஒரு சில மணி நேரங்களிலே லட்சம் பேர் பின் தொடரும் அளவுக்கு பிரபலமானார் .

     அவருடைய முதல் டிவிட் என்ன தெரியுமா ?

                        “சாரி சக்கர்” 

ஆயிரம் ரூபாய் நோட்டில் தஞ்சை பெரிய கோயில்

         இந்திய நாட்டின் ரூபாயை பற்றி பார்த்து வருகிறோம். இது சென்ற பணம் பணம் money money money money பதிவின் தொடர்ச்சி .

        1953 ஆம் ஆண்டு முதல் ரூபாய் நோட்டுகளில் ஹிந்தி மொழி அச்சிடப்பட்டு வருகிறது.

        அதே போன்று 1954 ல் மீண்டும் ஆயிரம், ஐந்தாயிரம், பத்தாயிரம் ரூபாய் நோட்டுகள் வெளியிடப்பட்டு அவை 1978 ல் மீண்டும் நிறுத்த பட்டன .

        தஞ்சை பெரிய கோயில், கேட் வே ஆப் இந்தியா ஆகியவற்றின் புகைப்படங்கள் அவற்றில் இடம் பெற்று இருந்தன.

         பின்பு 1960 களின் இறுதியில் நாட்டிற்காக பாடுபட்டவர்களை கவுரவிக்கும் விதமாக நோட்டுகளை அச்சிட தொடங்கினர் . 

       அதே சமயம் நோட்டுகளின் அளவையும் குறைத்தனர். சிக்கன நடவடிக்கையாம் .

       1980 ல் முற்றும் மாறுபட்ட புதிய தோற்றத்தில் ரூபாய் நோட்டுகள் அச்சிடப்பட்டன .

       உதாரணமாக 2  ரூபாய் நோட்டில் ஆர்யபட்டா வை குறிக்கும் வகையிலும்,

       5 ரூபாய் நோட்டுகளில்  விவசாயத்தை குறிக்கும் வகையிலும் மற்ற ரூபாய் நோட்டுகளிலும் மாற்றங்கள் கொண்டு வரப்பட்டன.

தொடரும் .......     

நன்றி கூகிள் , http://www.rbi.org.in   

பணம் பணம் money money money money

               பணம் வந்தால் பத்தும் பறந்து போகும்,

              பணம் என்றால் பொனமும் வாயை பிளக்கும் .

      போன்றவை ஒன்னாம் கிளாஸ்ல இருந்தே நமக்கு சொல்ல பட்டவை, பெற்றோர்களால் போதிக்கபட்டவை என்று கூட சொல்லலாம்.     

       சோ அந்த பணத்தினை பற்றி கொஞ்சம் சொல்லலாம் என நினைக்கிறேன். 

      ஸ்ட்ரெய்ட்டா மேட்டருக்கு வருவோம் ,

    தற்பொழுது புழக்கத்தில் உள்ள ரூபாய் நோட்டுகள்  ‘பேங்க் நோட்டுகள்’ என்று அழைக்க படுகின்றன. காரணம் என்னவென்றால் அது ரிசெர்வ் பேங்க் ஆப் இந்தியாவால் அச்சிடப்பட்டு வெளியிடபடுவதால் .

       ‘ரிசெர்வ் பேங்க் ஆப்’ இந்தியா 1935 ஏப்ரல் முதல் தேதியில் தொடங்கப்பட்டது. முதல் முதலில் வெளியிடப்பட்ட பேங்க் நோட்டு 1938 ஜனவரியில் வெளியிடப்பட்ட  5 ரூபாய் நோட்டே ஆகும் ,

      பின்பு அதே ஆண்டில் பிப்ரவரி, மார்ச், ஜுனில் முறையே 10,100,1000,10000  ரூபாய் நோட்டுகள் வெளியிடப்பட்டது .

      ஆனால் அவையெல்லாம் ஆறாம் ஜியார்ஜ்-இன் உருவம் கொண்டவை. நாம் அப்பொழுது அடிமையாக தானே இருந்தோம். மாதிரிக்கு சில படங்களை இணைத்துள்ளேன்.

  

       1947 க்கு அப்பறம் அந்த நோட்டுகள் நிறுத்தப்பட்டன , பின்பு 1949-1950 ல் புதிய ரூபாய் நோட்டுகள் அறிமுகபடுத்தபட்டன .

       அவை அசோகா தூணிலுள்ள சிங்கங்களை மையமாக கொண்டு உருவாக்க பட்டன. அதையும் நீங்கள் இங்கு காணலாம் .

        அதே போன்று ஆயிரம் மற்றும் பத்தாயிரம் ரூபாய் நோட்டுகளும் அச்சிடுவது நிறுத்தப்பட்டன .

தொடரும் ...................................

பின்குறிப்பு :  * நான் இங்கு இந்திய ரூபாய் பற்றி மட்டுமே பதிவிட                                 போகிறேன்.

·           அதுவும் 1935-க்கு அப்பறம் மட்டுமே .       

நன்றி http://www.rbi.org.in/home.aspx

மக்கள் நலப் பணியாளர்களை மீண்டும் சேர்க்க தமிழக அரசுக்கு உயர் நீதி மன்றம் உத்தரவு !....

       நல்லதொரு தீர்ப்பை நீதிமன்றம் வழங்கியிருக்கிறது என்றே சொல்ல வேண்டும் ,

         

          எவ்வளவு நல்ல விஷியங்கள் செய்தாலும் இது போன்ற அரசியல் காழ்புணர்ச்சி மற்றும் டாஸ்மாக் விஷியத்தில் இன்னும் ஒரு இரண்டாம் தர அரசியல்வாதியாகவே ஜெ பாவிக்கபடுகிறார் .

           மக்களுக்கு அவர் மீது வெறுப்பு வர இதுவும் ஒரு காரணம். மாளிகையில் வாழும் அவருக்கு எம் போன்ற நடுத்தர வர்கத்தினர் பற்றி தெரிந்திருக்க வாய்ப்பில்லை .

           ஏழைகளை சினிமாக்களில் மட்டும் தான் பார்த்திருப்பார் ,    மக்கள் நலப் பணியாளர்களில் எத்தனை ஏழைகள் பாதிக்கபட்டிருப்பார்கள் என்று அவருக்கு தெரிய வாய்ப்பில்லை அவர் தெரிந்துகொள்ளவும் போவதில்லை !

             

                  உங்களை விட்டால் வேறு எங்கே போவேன் என்று பேச தெரிந்தவருக்கு இலவசங்கள் தரவேண்டிய பணத்தை நான் மின்சரவாரியம் , ஆவின், போக்குவரத்து கழகங்களுக்கு  கொடுக்கலாம் என்று இருக்கிறேன் உங்களின் பதில் என்ன என்று கேட்டிருந்தால் அடுத்த நொடிக்குள் சம்மதிதிருப்பர் எம் மக்கள்.

           அதை விட்டுவிட்டு பக்கம் பக்கமாக அறிக்கை வாசிப்பதில் கருணாநிதியை விஞ்சிவிட்டீர்கள்  !!!!!!.... 

அப்துல் கலாமை இப்படி திட்டலாமா ?

          நான் முன்கூட்டியே சொல்லி விடுகிறேன் நான் கூடன்குள பிரச்சனையை பற்றி இங்கு பேச முற்பட வில்லை. .

      ஒரு முன்னால் குடியரசுத்தலைவர் , அணு வைபற்றி படித்தவர் ,நாட்டின் முதல் குடிமகனாய் இருந்தவர் ,எல்லாவற்றுக்கும் மேலாக அவர் ஒரு தமிழர் .

      இவை யாவும் உங்கள் கண்களுக்கு தெரியவில்லை , அவரது கருத்து உங்களுடைய கருத்துக்கு எதிராக இருக்கட்டும் பரவாயில்லை , அதற்காக அவரை வாய்க்கு வந்தபடியெல்லாம் திட்டுவது துளி கூட நல்லா இல்லை .

"  இவரின் உபதொழில் கூலிக்கு மாரடிப்பது என்று "

            கோமாளி

" ஜனாதிபதி போதை இவரை மாற்றிவிட்டது "

இந்த வார்த்தைகளால் அவரை திட்டி இருக்கிறார்கள்.

            தமிழன்  தமிழன்  என்று மார்தட்டி கொள்கிறாய் இது தான் தமிழ் பண்பாடா ?

     

       இதை தான் நீ திருக்குறளிலிருந்து கற்றாயா ?

     

                முதல் முறையாக  தமிழன் என சொல்லிக்கொள்ள  வெட்கப்படுகிறேன்.

            போராட்டம் நியாமானதுதான் ஆனால் இத்தகைய செயல் அருவருக்கத்தக்கது. 

நெட் பேங்கிங் சந்தேகங்கள்

NFET என்றால் என்ன ?

    நேஷனல் எலெக்ட்ரானிக் ஃபண்ட் ட்ரான்ஸ்பர் என்பது தேசிய அளவில் செயல்படக்கூடிய ஒரு நிதி பரிமாற்று திட்டமாகும், இதன் மூலம் தனி மனிதனோ,நிறுவனங்களோ பணத்தை ஒரு பாங்க் கிளையிலிருந்து வேறு எந்த ஒரு பாங்க் கிளைக்கும் பரிமாற்றம் செய்யலாம்.

அனைத்து வங்கிகளின் கிளைகளிலும் இந்த நெட் பேங்கிங்

முறை சாத்தியமா ?

   நெட் பாங்கிங்க் பயன்படுத்த குறிப்பிட்ட வங்கிக்கிளையானது NFETல் பதிந்திருக்க வேண்டும், உங்கள் வங்கிக்கிளையானது நெட் பாங்கிங்கிர்க்கு ஏற்றதா என தெரிந்துகொள்ள இந்த லிங்கை பயன்படுத்தவும் http://www.rbi.org.in/Scripts/bs_viewcontent.aspx?Id=2009

பண பரிமாற்றதிற்கு ஏதாவது வரையறை உண்டா ?

   பணம் எவ்வளவு வேண்டுமானாலும் ஒரு கணக்கிலிருந்து இன்னொரு கணக்கிற்கு பரிமாற்றம் செய்யலாம், ஆனால் ஒரு பரிம்மாற்றதிற்கு 50 ஆயிரம் வரை மட்டுமே சாத்தியம்.

வேலை நேரம் ?

   வார நாட்களில் (திங்கள் முதல் வெள்ளி வரை ) காலை 9 மணி முதல் மாலை 7 மணி வரை.

சனிக்கிழமை காலை 9 மணி முதல் மதியம் 1 மணி வரை. சன்டே ஹாலிடே.

கமிஷன் எவ்ளோ ?

   இன்கமிங் ப்ரீ ஆனா அவுட்கோயிங் தான் பா கமிஷன் உண்டு.

புரியலையா நம்ம ஒருத்தருக்கு பணம் போட்டம்னா அவருகிட்ட எந்த காசும் கேக்க மாட்டாங்க !

நம்ம தான்  

+> 1 லட்சம் வரைக்கும் 5 ரூபாவும்*

+> 1  லட்சதிலிருந்து 2 லட்சம் வரை 15 ரூபாயும்*

+> 2 லட்சதிற்கு மேல் 25 ரூபாயும்* கட்டனும்.

அது என்னாபா * (conditions apply) ?

    சேவை வரிங்க அது பாங்க பொறுத்து மாறுபடும். 

(வேணும்னா என்னோட அக்கவுண்டுக்கு ஒரு 5 லட்சம் பணம் போடுங்க கமிஷன் எவ்வளவுனு ஈசிஆ புரியுமில்ல)

வெளிநாடுகளுக்கும் இம்முறையை பயன்படுத்தி பண பரிமாற்றம் செய்யலாமா?

    இயலாது . நேபாளதிர்க்கு மட்டும் இது விதிவிலக்கு அங்கும் கூட நம்மால் போடதான் முடியுமே தவிர அங்கிருந்து இந்தியாவிற்கு திரும்ப பணம் அனுப்ப இயலாது .    

இலவச இணைப்பு :

ð  பண பரிமாற்றம் முடிந்தது எனில் தங்களுக்கு sms அல்லது email மூலம் தெரிவிக்கபடும்.

ð  ஒரு வங்கிக்கு பரிமாற்றம் செய்யபட்ட பணத்தை வேறொரு வங்கியிலிருந்து எடுக்க இயலாது

ð  வீட்டிலிருந்தே இணயம் மூலம்  பண பரிமாற்றம் செய்யலாம் என்பதால் நேரம் மிச்சம் ,அலைச்சல் மிச்சம் .......

ð  மேலும் விவரங்களுக்கு  http://www.rbi.org.in/scripts/FAQView.aspx?Id=60

     

    

ஏர்போர்ட்

     இந்தியாவில் உள்ள முக்கியமான விமானநிலையங்களில் வாகனங்களை நிறுத்த  வசூலிக்கும் வாடகையை பற்றி ஒரு தொகுப்பு
    மொத்தம்ஆறு விமான நிலையங்களை பற்றி இந்த பதிவில் குறிப்பிட்டுள்ளேன்.

 1.மும்பை சத்ரபதி சிவாஜி விமானநிலையம்:

    மொத்தமாக 880 கார் நிறுத்தலாம், 500 இருசக்கர வாகனங்கள் வரை நிறுத்தலாம்.
   அரைமணிக்கு கார் ஒன்றிற்க்கு 60 ரூபாய் வசூலிக்கபடுகிறது.
இரண்டுமணி நேரம் வரை 130 ரூபாயும் நாள் முழுவதும் என்றால் 750 ரூபாயும் வசூலிக்கபடுகிறது.மாதம் முளுவதுக்கும் பாஸ் வசதி கூட உள்ளது 10 ஆயிரம் ரூபாய் மட்டும்.
   இருசக்கர வாகனங்களுக்கு நான்கு மணிநேரத்திற்க்கு 15 ரூபாயும் வசூலிக்கபடுகிறது.

2.டெல்லி இந்திரா காந்தி விமானநிலயம்:

    மொத்தமாக 1500 கார் நிறுத்தலாம் பொது மற்றும் ஸ்பெஷல் என இருவகை உள்ளது, பொது பிரிவில் அரை மணிக்கு 50 ரூபாயும்,ஸ்பெஷலில் 70 ரூபாயும் வசூலிக்கபடுகிறது. நாள் ஒன்றுக்கு 600 மற்றும் 900 என கட்டணமும் ,மாத பாஸ் 16 ஆயிரம் மற்றும் 25 ஆயிரம் (பொது மற்றும் ஸ்பெஷல்) என்றளவிலும் உள்ளது.

3.பெங்களூரு சர்வதேச விமானநிலயம்:

  மொத்தமாக 2000 கார் நிறுத்தலாம் . இரண்டு மணிநேரம் வரை 60 ரூபாய் நாளொன்றுக்கு 720 ரூபாய் , மாத பாஸ் 5 ஆயிரம் ரூபாய்.
  இருசக்கர வாகனங்களுக்கு  ஒவ்வொரு இரண்டுமணி நேரத்திற்கும் 20 ரூபாய்.

4.சென்னை சர்வதேச விமானநிலயம் மற்றும் சுபாஷ் சந்திர போஸ் விமானநிலையம், கொல்கத்தா:

  சென்னையில் 600 கார் நிறுத்தும் அளவுக்கு வசதியும், கொல்கத்தாவில் 400 கார் நிறுத்தும் அளவுக்கும் வசதி உள்ளது.
  கொல்கத்தாவை பொறுத்தவரையில் 4 மணி நேரத்திற்கு 60 ரூபாயும், நாள் ஒன்றுக்கு 360 ரூபாயும் வசூலிக்கபடுகிறது. சென்னையிலும் கிட்டதட்ட இதே தான். பிரிமியம் நிறுத்ததில் மட்டும் 4 மணி நேரத்திற்க்கு 100 ரூபாய்.
  இரண்டு விமானநிலையங்களிலுமே மாத பாஸ் நோ(கிடையாது).
  இரு சக்கர வாகனங்களுக்கு 4 மணி நேரத்திற்கு 15 ரூபாய்.

5.ராஜிவ் காந்தி சர்வதேச விமானநிலயம், ஹைத்ரபாத்:

  3 ஆயிரத்திற்க்கும் அதிகமான கார் நிறுத்தும் வசதி. அரை மணிக்கு 50 ரூபாய், 1 மணி நேரத்திற்க்கு 80 ரூபாய் நாள் ஒன்றுக்கு 300 ரூபாய். மாத பாஸ் இல்லை.
  இரு சக்கர வாகனங்களுக்கு 2 மணி நேரத்திற்க்கு 20 ரூபாய் நாள் ஒன்றிற்கு 100 ரூபாய்.

(குறிப்பு : ஏறக்குறைய அனைத்து விமானநிலையங்களிலுமே விரிவாக்க பணிகள் நடை பெறுவதால் கட்டண விகிதங்கள் ஏறலாம்! இறங்கலாம்!)

                      “புவர் இந்தியா”..........                           
       

இன்னும் எவ்வளவு நாள் ?

   மரங்கள் தான் உலகில் வெளியிடப்படும் நான்கில் ஒரு பங்கு கார்பனை உறிஞ்சி வெப்பமயமாதலை தடுக்கிறது என்று பள்ளி சிறுவன் கூட கூறுவான். 

  ஆனால் இதற்கு மேல் ?

  புரியவில்லையா ...

   வெப்பம் அதிகரிக்க அதிகரிக்க காடுகளை அதிகரித்தால் தான் வெப்பசமநிலை ஏற்படும் . மாறாக காடுகளின் பரப்பளவு நாளுக்கு நாள் குறைந்து கொண்டே போகிறது .

   விளைவு மரங்கள் எரிக்கபடுவது , இறந்த மரங்கள் மக்குவது போன்ற செயல்பாட்டால் மேலும் கார்பன் டை ஆக்ஸைட் பூமியில் வெளியிடப்படுகிறது .

   இதில் ஒரு நல்ல சேதியும் உள்ளது !

   சிம்பிள் . மரங்கள் மக்குவாதல் அம்மோனியம் வெளியிடப்படுகிறது . இது உரம் என்பதால் மேற்கொண்டு புதிய மரங்களின் வளர்ச்சியை ஊக்கபடுத்துகிறது .

   அட போங்க நம்ம மேற்கொண்டு மரங்களை வளர விட்டால் தானே !. செத்தும் உதவுகிற மரம் எங்கே! செத்தும் கெடுக்கின்ற மனிதன் எங்கே !

   சமீபத்தில் கிடைத்த வேலெரீ ராஸ் என்பவரின் அறிக்கைபடி மரங்கள் வெப்பமயமாதலால் மேற்கொண்டு வளரவே செய்கின்றன . மொத்தம் ஏழு ஆண்டுகள் நடைபெற்ற இந்த ஆராய்ச்சியில் நிலம் செயற்கையாக வெப்பமூட்டபட்டது இந்த வெப்பமூட்டபட்ட நிலமானது மரங்கள் இறப்பதை மற்றும் மக்குவதை ஊக்கபடுத்துகின்றன . இதில் ஆச்சர்யம் மரங்கள் மக்கிபோன நிலத்தில் புதிய செடிகள் அதிக அளவில் முளைத்தன. எனவே மரம் அழிந்தாலும் அந்த இடத்தில் மீண்டும் மரம் வளரும் என்பதே உண்மை.  

   ஆனால் வளரத்தான் இடம் இல்லை .

   மேலும் ஒரு குறிப்பிட்ட வெப்பநிலையை பூமி தாண்டிவிட்டால் அதன் பின் நிலபரப்பு முளுவதும் மரம் வளர்த்தாலும் வெப்பநிலயை குறைக்க முடியாது என்பதையும் நினைவில் கொள்ளவேண்டும்.  

  

   மற்றுமொரு தகவல் ஓசோன் ஓட்டையால் கதிர்வீச்சு நாளுக்கு நாள் அதிகரிப்பதால் மரங்களை அவையும் தன்பங்கிற்க்கு அழிகிக்கின்றன . கொஞ்ச நாளில் இருக்கும் கொஞ்ச மரங்களும் காணாமல் போய் விடும் .

 

  அப்ப எல்லாரும் செவ்வாய் கிரகத்திற்கு கிளம்ப மூட்டை கட்ட தயாராகுங்கள் !!.